CEBU CITY-Gibana-banang mukabat sa P1.5M ang danyos nga namugna sa sunog nga mitumaw sa Block 3 Sto Niño Brgy. Suba ning dakbayan kagabii, Pebrero 26,2020
Nadawat ang alarma pasado alas 7 sa gabii kung diin gisaka kini sa Task Force Bravo pasado alas 8 ug nakontrolar alas 8:53
Mukabat sa 259 ka mga balay ang naugdaw ug apektado ang 603 ka mga pamilya.
Sigon sa fire victime nga si Mark Dave Abala kinsang nahinabi sa Bombo Radyo Cebu nga kalit ang panghitabo, kung diin pagawas niini sa ilang balay dako na kaayo matud pa ang kayo hinungdan nga wala sila’y nadala tungod sa pagluwas sa ilang mga kaugalingon.
Alegasyon usab niini ug sa mga residente nga nagikan ang kayo sa balay sa usa ka manuyupay.
Samtang nagkalisod usab matud pa ang mga bombero sa pagsulod sa area gumikan sa mga nag-atang nga mga sikad,mga e-bike, ug mga lamesa. Gumikan usab kay ang mga balay ginama sa light materials ug sa kusog nga hangin sanglit dool sa dagat ang area, hinungdan nga daling midako ang kayo.
Padayon pa usab nga gi-imbestigaran sa kabomberohan ang tinood nga hinungdan sa sunog
Wala hinooy nataho nga naangol o namatay sa maong insidente.
Samtang napahimutang na ang mga fire victims sa Sports Center sa Brgy. Pasil ug Brgy. Suba kung diin dali sila nga naatiman sa Department of Social Welfare and Services (DSWS). |with reports from Bombo Joan Gantalao and Bombo Jun Salde
