Posibleng madugangan og P1 ang plitehan sa Jeepney sunod semana tungod sa sunodsunod nga dagkong pagsaka sa presyo sa lana tungod sa nagpadayong gubat tali sa Iran ug Israel.
Matud sa Land Transportation Franchising Regulatory Board nga posibleng ilang ihatag ang demand sa mga jeepney drivers ug operators alang sa peso fare increase.
Gikanayon ni LTFRB chairman Atty. Teofilo Guadiz III, nga mamahimong aprobahan una ang ‘one peso across the board’ ug dili ang kada kilometro nga umento sa plitehan.
Kini gumikan bug-at sa mga sumasakay kung dili ipatuman ang flat rate.
Dugang pa niini nga makahatag usab sila og provisional increase apan aduna kini mga kondisyon.
Gitun-an usab sa ahensya ang paghatag og petisyon sa usbaw sa plitehan sa mga provincial bus sa nasud aron matubag ang ilang mga mulo sa kamahal sa presyo sa petrolyo.
