CEBU CITY-Mukabat sa 10.2 milyones ka pesos nga kantidad sa shabu ang nasakmit gikan sa usa ka High Value Target (HVT) atol sa buybust operation nga gipahigayon sa Police Intelligence Branch (PIB) sa Bohol Provincial Police Office (BPPO) sa Brgy. Cogon, dakbayan sa Tagbilaran probinysa sa Bohol.
Naila ang dinakpan nga si Allan Ben Caberte, 47 anyos ug residente sa naasoy nga dapit.
Matud ni Police Captain Jerion Itim sa PIB ug maoy nangulo sa operasyon nga napalitan nila ang subject og 3 ka extra large sachet nga mitimbang og 300 grams atol sa buybust apan nakuha niini ang lain pang 12 ka extra large nga pakete sa shabu sulod sa duha ka andana niini nga balay nga matud pa gihimo na sa subject nga bodega sa iligal nga drogas.
Taud-taud na usab matud pa kini nilang gi-surveillance.
Sa kinatibuk-an mutimbang sa 1.5 kilos ang nakuha sa maong HVT.
Nakatakada na usab kining pasakaan og kasong kalapan sa iligal nga drogas.
