Gipangita karon sa kapulisan ang duha ka mga gitumbok nga cultivators human nga gilarot sa PNP ang P10-million nga marijuana plants sa Sitio Hikapon, Brgy. General Climaco, Toledo City, Cebu.
Giila ang mga at-large ang mga suspek nga silang Daniel Canaliso ug Harry Macapas, hingkod ang ilang pangidaron.
Matud ni Police Lieutenant Colonel Hector Grijaldo sa Regional Mobile Forces Battalion (RMFB)-7 nga nakadawat sila og sumbong kalabot sa maong halapad nga marijuana plantation nga miresulta sa maong operasyon.
Gilarot ug gisunog sa mga otoridad ang 20,000 ka mga stalks sa fully-grown marijuana plants ug 10,000 ka marijuana seedlings.
Gibutyag usab ni Grijaldo nga silang Canaliso ug Macapas ang giingong nanag-iya sa mga marijuana plantation sa maong lugar.
Dugang pa niini nga adunay existing warrant of arrest ang PNP batok sa duha gumikan sa giingong pagpanghulga sa mga buot mosumbong ngadto sa mga pulis kalabot sa maong plantasyon.
Anaa na sa PNP Crime Lab ang pipila ka mga marijuana stalks alang sa laboratory examination.
