CEBU CITY-Makadawat og P25,000 nga bonus ang matag empleyado
sa Cebu City Hall alang sa Charter Day karong petsa 24 ning bulana, kung ang City Council mohatag sa eventual imprimatur sunod semana.
Mao kini ang gi-anunsyo ni Jerone G. Castillo, ang acting city budget officer nga naglingkod isip chair sa Local Finance Committee diin ang buhatan ni Vice Mayor Raymond Alvin Garcia ang nisugyot sa maong kantidad.
Apan, kinahanglan pa nga pamatud-an kini sa lokal nga lehislatura busa, giawhag ni Castillo ang Konseho alang sa paspas nga aksyon sa ordinansa nga adunay kalabotan sa Charter Day bonus, ilabi na sa mga job order personnel.
Samtang gipili ni Mayor Michael Rama nga magpakahilom sa giingon numero nga itagana alang sa naasoy nga bonus gumikan sa iyang nahi-aguman nga kasakit kabahin sa Christmas bonus nga wala matuman alang sa mga empleyado.
