MANDAUE CITY-Nahuman na ang P50 milyones nga concrete nga proyekto sa dalan sa Barangay Opao sa dakbayan sa Mandaue.
Gipanguluhan ang turnover ceremony ni Mandaue City Lone District Representative Emmarie “Lolypop” Ouano-Dizon, ang makabenepisyo sa nahisgutang proyekto ang mga silingang barangay sa Umapad ug Cambaro.
Mosukod og 3 by 6.70 meter ang catch basin nga magsilbi nga reservoi sa tubig labi na sa kusog nga pag-ulan.
Matud pa ni Ouano-Dizon nga ang pagkompleto sa karsada ug drainage project mag-usab sa katumanan sa maayong pagkaplano ug haom nga functional network sa drainage systems sa nahisgutang tulo ka barangay.
Gipatuman ang proyekto niadtong 2022 sa dalan G. Ouano St. sa Barangay Opao naglakip sa drainage facilities sa duha ka kilid sa dalan nga adunay gitas-on nga 756 metros.
