CEBU – Mukabat sa P800 million ang madawat nga donasyon sa Cebu City government gikan sa nagkadaiyang investors sa pag-kompleto sa Cebu City Medical Center (CCMC).
Gipahibalo ni Atty Jerone Castillo, ang legal consultant ni Cebu City Mayor Michael Rama, nga miduol ang mayor sa mga negosyante arun sa pag-budget sa paghuman sa naasoy nga tambalanan.
Matud pa, niadtong 2015 kay aduna na’y pondo ang pagtukod sa CCMC apan giingong ang maong budget kay alang lang sa konstruksyon sa building o pagpa-porma ug wala pa’y labot niini ang sulod sa tambalanan sama na lang sa mga hospital equipments ug uban pa.
Giingong dako pa ug kuwang arun nga makompleto ang maong tambalanan.
Gibutyag usab ni Atty Castillo nga adunay daghang mga negosyante ang nakakita sa maayong katuyoan sa mayor ug ang kagustohan niini nga mahuman ang CCMC hayan nakakuha gayud ang dakbayan sa Sugbo ug donasyon.
Ang maong mga investors ang dili na lang magpa-hingalan apan gisiguro sa lokal nga kagamhanan sa dakbayan nga i-acknowledge sa gihapon ang maong mga negosyante isip pagpasalamat sa donasyon nga gihatag.
