Gisugat sa mga protesta ang pagbisita ni US President Donald Trump sa United Kingdom.
Adunay buwag nga protesta ang nahitabo sa London ug duol sa Windsor Palace.
Singgit sa mga nagprotesta nga madawat pa nila ang mga imigrante apan dili kasamtangang presidente nga si Trump, gani gitawag pa nila kini nga racists.
Sa pag-abot ni Trump uban sa iyang asawa nga si Melania, personal siyang gitimbaya ni King Charles ug Queen Camila, diin adunay parada sa militar sa Windsor Castle, lakip ang usa ka Red Arrows flypast nga adunay mga eroplano nga nagbuga og pula, puti ug asul nga aso.
Naghimo usab si Trump og usa ka pribadong miting uban ni Prince William ug sa iyang asawa, nga si Princess of Wales Catherine.
Ingon man, ugmang adlaw Biyernes, makigkita si Trump kang British Prime Minister Keir Starmer.
