CEBU CITY — Gihimug-atan sa tigpamaba ni Mayor Edgardo Labella nga si Atty. Rey Gealon nga ‘preventive detention’ ang mahitabo kung nganung i-hold ang usa ka indibidwal nga nakalapas sa City Ordinance No. 2566.
Pasabot niini nga wala gikonsiderar ang pagpapriso sa mga violators kinsang nakalapas sa minimum health standard ug inay gipaabot lang ang proseso sa inquest proceeding sa wala pa kini giduso sa korte.
Gipasiguro usab niini nga pinasubay sa ‘Due process’ ang nakalapas sa dili pa moluwat og desisyon ang korte.
Sa laing bahin, gibutyag ni Gealon nga gipaabot sa dakbayan ang hingpit nga pagpatuman sa Amendatory Ordinance sa City Ordinance 2566.
Imbes nga pasakaan og kaso sa city prosecutor ang mga violators sa korte ug makabayad og P1,500 sa 1st Offense, ubos sa Amendatory Ordinance, mamahimong nalang himoon administrative fine ang penalty ug mobayad og P500 sa City Treasurer ug tagaan og official receipt.
Dugang pa ni Gealon nga sigon sa balaud, mamahimong epektibo ang usa ka balaud human sa 15 ka adlaw nga publication sa newspaper of general circulation ug naplastar sa tulo ka lugar nga daghan ang makakita kay hingpit na kining mapatuman. /EP
