CEBU CITY- Wala pay pormal nga kasabotan ang kagamhan sa Dakbayan sa Sugbo og Lungsod sa Aloguinsan, maylabot na sa pag-labay sa basura Dakbayan ngadto sa landfill sa Lungsod sa Aloguinsan.
Gibutyag ni Aloguinsan Mayor Cesar Ignacios Moreno, wala pay pormal nga kasabutan ang dakbayan sa posibleng paglabay sa basura niini ngadto sa maon lugar, apan uyon hinoun kini sa maong katuyoan.
Matod ni Moreno nga sa kasamtangan ang Dakbayan sa Sugbo ana-a pa sa Lungsod sa Consolacion maglabayan sa basura, og gidugang nga andam silang mo dawat niini og ugaling mapuno na ang nahisgutang landfill.
Gihimug-atan ni Moreno nga dako gyud kini og tabang sa ilang lungsod kon mahitabo tungod kay duna man bahin ang lungsod sa kita sa malabay nga basura.
Nakasabot usab ang mayor sa sitwasyon dakbayan sa Sugbo kini gumikan sa nahitabo sa Binaliw Landfil nga nakakalas sa 36 ka mga indibidwal.
Giklaro usab ni Moreno nga kung mahinayon man ang kasabutan, molanat lang kini og usa ka bulan nga makalabay sa landfil sa ilang Lungsod.
