Mamahimong makatabang ang pagpanghimakak sa kontraktor nga si Curlee Discaya sa iyang koneksyon kang kanhi House Speaker Martin Romualdez sa pagtapos sa mga walay basehan nga akusasyon, sumala ni Tingog Party-list Representative Jude Acidre.
Giisip usab sa magbabalaod ang pagpanghimakak ni Discaya nga usa ka maayong kalamboan nga nagpasiugda sa panginahanglan alang sa diskurso nga gibasi sa ebidensya ug mahimong makatabang sa pagtapos sa pagkaylap sa walay basehanan nga mga alegasyon batok sa mga ginganlan nga walay ebidensya.
Mahinumduman nga mitumaw ang alegasyon nga giingong si Discaya ang nagsilbing front ni Romualdez sa giingong pagpalit sa usa ka high-end nga real-estate property sa Makati City.
Apan, gihimakak kini ni Discaya ug giklaro nga nakita ra niya ang kanhi House Speaker kausa sa usa ka publikong kalihokan ug wala gayud siya nakigsulti kaniya.
Gikasubo usab ni Discaya ang paggamit sa iyang ngalan aron pag-apil sa kontrobersiya sa kanhi House Speaker.
Giingon usab ni Discaya nga andam siya nga angkunon ang naasoy propiedad sa Makati kung kini ang gusto sa iyang kritiko, bisan kung dili kini tinuod.
Niining bahina, si Rep. Acidre miinsistir nga kon adunay ebidensya, kinahanglan kining ipresentar ug kon wala, kinahanglan nilang ibilin kini sa publiko ug sa mga ginganlan nga tawo.
Sa pagkakaron, si Discaya nagpabilin nga gitanggong sa Senado tungod sa iyang giingong kalambigitan sa kontrobersiya sa anomaliya sa pagkontrol sa baha.
