Gidala na ang kaso subay sa ikaduhang adlaw sa confirmation of hearing sa International Criminal Court (ICC), alang sa 17-anyos nga si Kian Delos Santos, kinsa gipatay atol sa kinapungkayan sa war on drugs ni Duterte.
Si Kian gipatay niadtong Agosto 16, 2017 sa Caloocan City.
Ang insidente miresulta sa kaylap nga pagkondena sa administrasyon, nga misangpot sa temporaryo nga paghunong sa mga operasyon sa droga sa pulisya.
Gikutlo sa prosekusyon ang kaso ni Kian isip ehemplo sa ikatulong ihap sa kaso ni Duterte nga krimen batok sa katawhan, ug kini nagpunting sa kontrobersyal nga “Project Tokhang”.
Sama sa ubang modus operandi nga gigamit batok sa ubang mga biktima sa mga operasyon sa barangay clearance, sila nailhan pinaagi sa usa ka “listahan” ug gipatay sa mga operasyon sa pulisya.
Niini nga laraw, ang crime scene gitanoman og ebidensya sama sa mga armas, droga, o kwarta, ug ang mga report sa pulisya gihimong peke aron moingon nga ang operasyon lehitimo ug ang pulisya nagdepensa lamang sa ilang kaugalingon.
“In this context, as witnesses explained, the police often used the term ‘nanlaban’ which translates to fighting back to describe incidents in which they supposedly shot a victim in self-defense,” sumala sa prosekusyon.
“These reports were often almost identical, in essence, copy-paste reports in which victims were frequently blamed for their own death, and finally, unofficial rewards were paid,” dugang niya.
Kini nga ganti diretso nga moadto sa mga pulis nga nakapatay sa target.
Si Duterte nag-atubang og tulo ka ihap sa mga krimen batok sa katawhan sa ICC diin 76 ka kaso sa pagpatay ang gisang-at gikan sa 2013-2018.
Kini nga rekord, sumala sa prosekusyon, usa lamang ka bahin o “mere fraction” sa liboan nga namatay sa kampanya sa “war on drugs” gikan sa pagka-mayor ni Duterte hangtod nga siya napili nga presidente.
