Gitawag ni Pamplona Mayor Janice Degamo ang asawa ni anhing Gobernador Negros Oriental nga usa ka media stunt ang temporaryong pagpagawas ni kanhi Congressman Arnolfo Teves Jr., kinsang gikonsiderar nga utok sa Pamplona massacre niadtong Marso 2023.
Matod niini, nga ang media stunt sa legal team ni Teves usa lang ka photo-op aron sa pagpahisalaag sa publiko ug ipakita sa taga Negros Oriental nga magamit niini ang iyang kwarta arun makalingkawas sa hustisya.
Samtang, gipahibalo ni Mayor Degamo nga gisultihan siya sa Department of Justice nga si Teves gidala sa kustodiya sa national police sa Timor Leste ug niatubang niadtong milabayng adlaw alang sa extradition proceedings.
Sa usa ka pahayag nga gipagawas, ang DOJ miingon nga ang pagpagawas kang Teves gikan sa prisohan ug pag-aresto pag-usab bahin sa legal nga proseso sa Timor Leste apan wala gipasabut kung ngano nga gibuhian si Teves.
Apan, bisan paman nagpasalamat gihapon si Justice Sec. Jesus Remulla ngadto sa gobyerno sa Timor Leste alang sa padayon nga kooperasyon niini aron mahatagan og hustisya ang kanhi magbabalaod.
Dugang pa nga ang pagsikop pag-usab kang Teves naghatag og gibug-aton sa lig-on nga panag-uban tali sa mga nasud ug sa ilang kolektibong mga pasalig sa pagtuldok sa pagkawalay silot bisan unsa pa ang social status o impluwensiya sa usa ka indibidwal.
