CEBU PROVINCE-Nakaani og lain-laing mga reaksyon ang mga ‘technical glitches’ nga nahitabo sa ‘Pasigarbo sa Sugbo 2023’, kini human gi-ibot ang ‘mic’ ni Gobernador Gwendolyn Garcia ug nasuko sa ‘Alberca Sounds and Lights’, nga nagdumala sa ‘sounds and lights’ aron makahatag sa labing maayo nga serbisyo, apan tungod sa mga teknikal nga glitches naapektohan ang performance sa mga contingents.
Subay niini, si Garcia nipasangil kang Alberca nga nisabotahe sa tibuok Pasigarbo sa Sugbo 2023.
Una niini, ang grand ritual showdown sa Pasigarbo sa Sugbo Festival nga gipahigayon sa Carcar City, habagatang Sugbo niadtong Dominggo sa gabii, Agosto 27, 2023, nadaot sa daghang “technical glitches.”
Hinungdan nga gikatakdang e-adjust ang scoring formula alang sa 2023 Pasigarbo sa Sugbo’s Ritual Showdown.
Ang bag-ong pamaagi sa pag-iskor maglakip sa paghatag og 85% sa mga iskor sa mga maghuhukom, usa ka pagtaas gikan sa orihinal nga 80%.
Samtang, ang online nga pagboto magdala na karon og 15% , mas ubos gikan sa miaging 20%, ngadto sa kinatibuk-ang iskor.
Sa press conference nga gipahigayon gahapon Lunes, Agosto 28, 2023, gipahibalo ni Atty. Donato Villa, ang Legal Officer sa Kapitolyo, nga ang probinsiya nagpabiling adunay katungod sa pagkanselar o paghatag ug partial nga bayad sa Sounds and Lights System sa Alberca.
Gipadayag niini nga ang mga technical glitches atol sa maong kalihukan nakahatag ug anino sa mga organizers sa Pasigarbo sa Sugbo, nga negatibong nagpakita sa probinsya sa Sugbo.
Dili sama sa naandan sa Cebu City Sports Center sa dakbayan sa Sugbo, ang nasangpit nga kalihukan ipahigayon, karong tuiga ipahigayon kini sa Carcar City Sports Complex sa Carcar City sa unang higayon, tungod kay ang oval track sa Cebu City Sports Center sa Dili magamit ang Cebu City alang sa preparasyon sa 2024 National Games.
Nipadayag sa iyang ‘kasagmuyo’ si Garcia sa kompanya ug niinsistir nga wala damha ang mga kalihokan niadtong gabhiona ilabi na ang pagtambong nila ni Education Secretary ug Bise Presidente Sara Duterte ug First Lady Liza Marcos.
Ang Pasigarbo sa Sugbo 2023 adunay 52 ka contingents gikan sa lain-laing local government units, lakip na ang mga guest contingents gikan sa Lapu-Lapu City ug Mandaue City, timaan nga ang maong kalihukan nagpakita sa panaghiusa sa lalawigan sa Sugbo.
