CEBU – Nadisgrasya ang usa ka Patrol Vehicle sa 604th Company sa Regional Mobile Force Batallion 6, Philippine National Police sa Purok 2, Barangay Caningay, Candoni, Negros Occidental mga alas 11:00 sa buntag, Nobyembre 28, 2022.
Kung diin ang maong sakyanan naggikan sa Dancalan paingon sa Candoni nga gisakyan sa 16 ka miyembro sa 604th Coy sa RMFB6 dihang nawad-an kini og break sa titip nga kurbada sa Purok 2, Barangay Caningay ug nahagsa.
Hinungdan nga daling gidala sa Candoni Rural Health Unit ang mga na-angul nga pasahero inabagan sa LDRRMO Rescue Unit sa Candoni ug BFP.
Giila ang mga naangol mao sila si Regie Tacdoro Salazar, John Ngitngit Arevalo, Jerome Samson Tolentino,Erick Infante, Bryan Tenorio Ambahan, Mark Gil Gazo Salazar, Joey Salazar Bana-ag, ug gi-refer silang tanan sa Kabankalan City para sa dugang medikal nga pagtagad.
Sa pikas bahin, nihatag dayun og hinabang si Candoni Municipal Mayor, Eng’r Ray R. Ruiz sa mga biktima ug nipadala og packed lunch sa mga responder ug ubang elemento sa RMFB6 nga naghatag og seguridad sa lugar.
Samtang ang pangu sa Sipalay City DRRMO nipaingon usab sa crash site ug nagdala og Boom Vehicle aron mabawi ang nahagsa nga patrol car.
