Gipaniguro ni Presidente Ferdinand Marcos Jr. ngadto sa mga concerned government agencies nga makahatag dayon sa mga panginahanglanon sa katawhan sa higayon nga mahitabo ang gikahadlokang the Big One.
Matod ni OCD Director Undersecretary Ariel Nepomuceno, gusto sa Presidente nga magpadayon ang paghatag sa mga kinahanglanon sa mga apektado sa kalamidad sama sa linog.
Ingon man nga gihangyo usab sila sa Presidente nga mosumiter og mga hamubo ug long term nga solusyon kalabot sa mga kalamidad nga nasinati sa nasud.
Giangkon ni Nepomuceno nga dili sayon ang pag-umol o paghimo og long-term nga solusyon, apan matud niya magsubay sila og roadmap alang niini.
Dugang pa ni Nepomuceno nga padayon sila nga nakigkomunikar sa Presidente sa matag higayon nga adunay mahitabong kalamidad sa nasud, apil na ang the Big One, nga bisan og walay makasulti kon kanus-a moigo, nagkinahanglan gihapon og pagpangandam.
