Nanawagan si Presidente Ferdinand Marcos Jr. sa tanang ahensya sa gobyerno nga magpabiling alerto ug sigurohon ang kaluwasan sa publiko samtang human nga ang bagyong uwan kay hingpit nang gideklarar nga Super typhoon Uwan.
Ingon man nga gipanawagan usab niini ang Presidente alang sa panaghiusa tungod mahinungdanon ang ang matag Segundo.
Gipahinumdoman usab ni Marcos ang tanan nga magpabiling kalmado ug dili magkompyansa, ug mipasidaan sa katawhan nga sundon ang pahimangno sa mga lokal nga gobyerno ug mobakwit dayon ang mga nagpuyo sa mga delikado nga lugar.
Gipahibalo usab sa Presidente nga ang Department of Transportation (DOTr) ug Land Transportation Franchising and Regulatory Board (LTFRB) kay nagpadala og mga bus ug truck alang sa mga evacuation, samtang ang Department of Social Welfare and Development (DSWD), Department of Public Works and Highways (DPWH), Armed Forces of the Philippines (AFP), ug Philippine Coast Guard (PCG) nagbutang og mga rescue vehicle, lifeboat, ug relief goods sa mga lugar nga taas og risgo.
Gisuspendi usab niini ang toll fees alang sa mga emergency convoy ug responder, ug ang mga special lane gibutang usab aron mas paspas ang pag-access sa mga lugar nga taas og risgo.
Samtang ang MMDA ug mga local government unit naglimpyo sa mga agianan sa tubig ug nagtangtang sa mga babag sa mga kadalanan.
Ingon man nga abli ang daghang mga mall ug mga building sa ilang mga parking area para sa mga residente sa mga lugar nga daling mabahaan.
