Gimando ni Pangulong Ferdinand Marcos Jr. sa mga law enforcement agency sa Zamboanga City ang usa ka lawom nga imbestigasyon may kalabotan sa makalilisang nga insidente sa pagpamusil sa Ateneo de Zamboanga University aron matino ang mga kakulangon ug mahibal-an kung unsa pa ang mahimong buhaton aron malikayan ang pagbalik sa susamang trahedya.
Nanawagan usab ang Malacañang alang sa mas hugot nga proteksyon sa mga Pilipino, labi na sa mga batan-on, human sa pagpamusil sa Zamboanga, nga nagpasiugda sa panginahanglan alang sa mas lig-on nga giya sa balay ug sa mga eskwelahan.
Gipasiugda usab ni Palace Press Officer Claire Castro ang papel sa mga magtutudlo ug mga ginikanan sa paghulma sa hustong mga mithi sa mga estudyante.
Sa susamang pamahayag ni Castro, nakakuha kini og atensyon sa katawhan human nagkanayon nga ang mga magtutudlo usahay magtudlo sa mga estudyante unsaon nga dili magtahod.
Diin, ang maong pamahayag nakapukaw og mga reaksyon sa katawhan, hinungdan nga ang uban nagpangutana sa angay nga pag-link sa mga magtutudlo sa trahedya nga insidente.
