Nagmando si Pang. Ferdinand Marcos Jr., sa pagtukod sa inter-agency coordinating council nga maoy gitahasan sa pagkonsolida sa master list sa tanang yuta nga gipanag-iya sa gobyerno.
Ang nasangpit nga lakang gituyo aron mapalig-on ang Philippine Development Plan sa 2023-2028.
Base sa gipagawas nga Administrative Order No. 21 nga gipirmahan ni Executive Secretary Lucas Bersamin niadtong Abril 30, 2024, diin gipasiugda sa Hepe Ehekutibo, aron masiguro ang episyente ug epektibo nga alokasyon ug paggamit sa mga kahinguhaan sa yuta alang sa nasudnong mga tumong sa kalamboan, importante ang pagkonsolida sa usa ka komprehensibong listahan sa tanang kayutaan sa gobyerno.
Ang Coordinating Council gilangkuban sa Office of the Executive Secretary, DILG, DA, Office of the Solicitor General, DOJ, Land Registration Authority, CHED ug DICT.
Kung diin ang DENR-Land Management Bureau maoy magsilbing Secretariat sa Coordinating Council.
