Nakabiya na sa nasud si Presidente Ferdinand Marcos Jr. gahapong adlawa alang sa usa ka working visit sa Amerika.
Diin magpabilin si Presidente Marcos sa New York hangtod sa Miyerkules, Marso 11, 2026.
Ubanan sa Chief Executive sa iyang biyahe si First Lady Liza Marcos ug pipila ka mga miyembro sa gabinete.
Ang tigpamaba sa Department of Foreign Affairs nga si Angelica Escalona sa sayo pa nagpahibalo nga taliwala sa mga kalihokan ug mga high-level nga pakiglambigit sa Presidente sa United Nations, iyang ipanawagan ang pagpugong sa mga partido nga nalambigit sa panagbangi sa Middle East aron mobalik sa negosasyon.
Manawagan usab siya alang sa pagtahod sa internasyonal nga balaod ug sa UN Charter human sa nagpadayon nga panagbangi.
Moapil ang Presidente sa pag-abi sa ika-70 nga sesyon sa UN Commission on the Status of Women.
Nasayran usab nga ang Presidente gikatakda nga makigkita kang UN Secretary-General Antonio Guterres aron hisgutan ang panagbangi sa Middle East.
