Nanawagan si Presidente Ferdinand R. Marcos Jr. sa mga Pilipino sa paghinumdom ug pagpasidungog sa ilang mga minahal nga mipanaw na, samtang nagkuha og inspirasyon gikan sa ilang pagtuo ug pagkamahinatagon.
Sa iyang mensahe, alang sa pagsaulog sa Adlaw sa mga Santos ug Adlaw sa mga Kalag karong 2025, gipasiugda sa Presidente ang kamahinungdanon niining panahona.
Gihatagan niini g ibug-aton nga kini usa ka oportunidad sa pagpalalom sa bugkos sa pagtuo, pagpalig-on sa moral nga pundasyon sa nasud, ug pagsaulog sa walay katapusan nga paglaum bisan pa sa kasakit ug pag-antos.
Giawhag ni Presidente Marcos Jr. ang matag Pilipino nga himuong makahuluganon ug solemne ang pagsaulog sa Undas, pinaagi sa pagpuyo nga adunay katuyoan agig pagpasidungog sa handumanan sa mga mipanaw.
Matud niini, nga kining mga adlawa usa ka pahinumdom sa kamahinungdanon sa pagtuo, paglaum, ug panaghiusa sa katawhan atubangan sa mga hagit sa kinabuhi.
