Nipasalig si Presidente Ferdinand Marcos Jr. nga andam ang gobyerno sa pagtubag sa posibleng worst case scenario human sa pagbuto sa Bulkang Kanlaon.
Matod sa Presidente, ang National Disaster Risk Reduction Management Council (NDRRMC) ug ang Office of the Civil Defense (OCD) anaa na sa lugar aron pagtubag sa worst-case scenario.
Sa pagkakaron ang Kanlaon Task Force nakatutok sa pagkontak sa mga lokal nga kagamhanan sa tukmang tubag basi sa kakusog sa pagbuto sa bulkan ug sa kadaot nga gipahinabo niini.
Gipasalig usab sa Presidente nga buhaton sa gobyerno ang tanan aron matubag dayon ang bisan unsang natala nga kadaot tungod sa pagbuto.
Ingon man ang pagpalihok sa mga kahinguhaan sa gobyerno aron matabangan ang mga kababayan nga naapektuhan sa pagbuto sa Bulkang Kanlaon.
