Giingong wala hingpit gilimod sa United States Department of Defense ang taho nga nalambigit kini sa pagkaylap sa mga troll aron dauton ang COVID-19 vaccine sa China nga Sinovac sa Pilipinas sa kataas sa pandemya.
Gikumpirmar sa US DoD nga sila naggamit sa usa ka halapad nga mga operasyon lakip na ang ‘operations in the information environment (OIE) aron kontrahon ang dili maayo nga impluwensya sa kaaway.
Ang OIE usa ka maneuver doctrine sa militar sa US alang sa estratehikong pakiggubat sa impormasyon niin
Gipasabot sa tigpamaba sa DoD nga si Lisa Lawrence nga gisugdan sa China ang kampanya sa disinformation aron basolon ang US sa pagkaylap sa COVID-19.
Nasayran usab nagsugod ang sekretong military program ubos ni kanhi US President Donald Trump ug sa samang higayon ang naglingkod nga Presidente sa Pilipinas mao si kanhi Presidente Rodrigo Duterte nga nakighigala sa China.
Ubos sa administrasyong Duterte, ang unang bakuna batok sa COVID-19 nga nahimong available sa PH mao ang Sinovac nga gidonar sa China.
Basi sa report, ang anti-China vaccine campaign kay nagpadayon sulod sa pipila ka bulan ubos sa administrasyon ni US President Joe Biden.
