CEBU CITY Gihuptan na sa kapulisan ang person of interest sa nilu-og nga krimen nga gikamatay sa usa ka 14 anyos nga dalagita sa Sitio Caimito, Barangay Guimbawian, lungsod sa Pinamungajan.
Gisaysay ni Police Major Felicisimo Aranas, Jr. ang hepe sa Pinamungajan PNP, nga nakuha na nila ang 26 anyus nga ‘person of interest’ sa Barangay Lahug dakbayan sa Sugbo kagabii kung diin gitudlo kini sa 16 anyos nga igsuon sa biktima.
Basi sa interogasyon sa kapulisan, giingung gihimakak sa nahisgutang person of interest ang kalambigitan niini ug giingung wala kini sa lugar sa dihang nahitabu ang krimen.
Apan matud ni Police Major Aranas nga nagkalain-lain ang pamahayag niini, butang nga naghatag kanila ug pagduda.
Gipadayag sa hepe nga padayun nila nga gipaabut ang duha ka saksi nga giingung makatudlo sa 26 anyus sa nahitabung krimen.
Gawas sa ilahang gihuptan nga person of interest, gipahibalu sa hepe nga aduna pa sila’y laing duha nga gisunda nga posibli usab nga naghimu sa krimen nga gikamatay ni Justine Andayop. (SBR)
