Masaligon si Philippine Ambassador to the US Jose Manuel Romualdez, nga magpabilin nga lig-on ang relasyon tali sa America ug Pilipinas bisan kinsa pa ang mapili nga Presidente sa 2024 US Presidential elections.
Matud pa niya, wala’y dakong kausaban sa mga polisiya sa Amerika kon bahin sa pakig-alyansa niini sa atong nasud.
Dugang pa, nga nakighinabi siya sa duha ka kampo sa 2 ka presidential candidates nga si kanhi US Pres. Donald Trump ug VP Kamala Harris ug ilang gipaniguro nga magpabilin ang foreign policy ng Amerika.
Gitumbok usab ni Ambassador Romualdez nga ang sunod nga Presidente sa Amerika ug ang iyang foreign policy importante alang sa Pilipinas.
Matod pa niya ang isyu sa economic ties sa PH sa America, ilabi na karon nga taas ang foreign investments sa atong nasud.
Kon isyu sa West Philippine Sea ang hisgutan, angay ba kitang mabalaka sa baruganan o posisyon sa bag-ong presidente sa US, matod ni Amb. Romualdez nga ang US military Pentagon maoy iyang gikaestorya bahin niining butanga.
Gidugang niini, nga ang WPS maoy mutual interest sa America ug PH.
Bisan pa nga gipasiugda sa opisyal nga hinungdanon ang kagawasan sa paglawig sa gilalisan nga kadagatan, giingon niya nga wala’y nasud nga adunay kontrol tungod kay trilyon nga dolyar nga kantidad sa mga butang ang moagi sa mga kadagatan diin mahimo’g maapektuhan ang US.
