Cebu City-Nailhan na ang pagkatao sa nakaplagang patay ug nasunog sulod sa usa ka sakyanan sa may Sitio Tal-ot Brgy. Valencia dakbayan sa Carcar City Cebu.
Giila kini nga si Staff Sgt. Mark Herbert Nebria Oberes,37 anyos minyo, taga Lapu-lapu city ug miyembro sa Philippine Air Force sa MActan-Benito Ebuen Air Base nga nahimutang sa Mactan Island.
Migawas sa imbestigasyon nga love triangle ang hinungdan sa maong krimen kung diin ang suspect nga si Resamie Cabanog,20 anyos kanhi karelasyon ni Oberes samtang ang lain nga suspek mao si Engr. Joshua Garcia nga maoy kasamtanang uyab ni Cabanog.
Giingong makigbuwag na unta si Resamie ni Oberes apan matud pa nga dili musugot si Oberes. Plano lang unta nga kulatahon ang biktima sa mga suspect apan giingong misukol kini mao nga ilang napusilan.
Una niini, gibutyag ni PCSUPT Marlu Conag ang hepe sa Talisay Police Station nga adunay nahitabong shooting sa ilang area of responsibility apan sa dihang ilang girespondehan, wala silay naatlan gawas nalang sa mga slug sa bala, usa ka magazine sa 45 caliber pistol nga adunay mgA buhing bala ug usa ka tsinelas.
Apan basi sa mga nakakita, giingong aduna gyud nahitabong shooting ug gitudlo niini ang 6 ka suspect apan positibo nga giila ang duha nga mag-uyab nga maoy nasikop.
Giingong gisakay si Oberes sa iya mismong sakyanan ug nagconvoy ang mga suspect palayo sa Talisay.
Pipila ka oras ang milabay, nakadawat og report ang kapulisan sa Carcar PS nga dunay nasunog nga sakayanan sa may Valencia. Pagrepsonde ug pagpalong na sa kayo nakaplagan nila ang usa ka tao nga apil nga nasunog.
Positibong giila ang biktima sa asawa niini pinaagi sa iyang sinina ug ingon man ang sakyanan. Nagtakdo usab ang paghulagway sa mag witness sa sakyanan nga ilang nakita atol sa shooting incident sa Talisay og ingon man ang nasunog sa Cacar.
Nasayran usab sa imbestigasyon nga lakip sa mga suspect ang inahan ni Resamie nga si Edna Cabanog ug ang gihire matud pa ni Joshua nga si Tomas Isugan nga mao gyud unta ang mupatay sa airforce member.
Gawasnon pa usab ang lain duha ka mamumuno nga wala pa mailhi ang pagkatao.
