Napakyas si Pinoy fighter Jean Claude Saclag nga makuha ang gold medal sa 2026 Asian Games, kini human siya gipildi ni Otabek Rajabov sa Tajikistan sa finals sa men’s -65 kg traditional mixed martial arts event.
Gidominar ni Rajabov ang duwa ug nakakuha og 3-0 nga kadaugan sa kompetisyon nga gipahigayon sa Nagoya City Inae Sports Center.
Tungod niini, nakuha ni Saclag ang silver medal.
Kahinumdoman nga nakaabot si Saclag sa finals human niya gipildi si Daisuke Murayama sa Japan pinaagi sa unanimous decision sa semifinals.
Nagpahayag og dakong pagbasol si Saclag sa resulta, ug miingon nga wala niya damha ang maayo kaayong performance nga gipakita sa fighter gikan sa Tajikistan.
Giangkon niya nga ang agresibong pagdula sa iyang kontra sa unang round nakaguba sa iyang game plan.
Sa wala pa kini, ang teammate ni Saclag nga si Carlos Alvarez nakakuha og bronze medal sa men’s 77 kg class.
