Nagsang-at og balaodnon sa House of Representatives ang Women Liberal Party nga nagtinguha sa pagwagtang sa mandatory PhilHealth contribution para sa atong mga overseas Filipino workers (OFWs).
Kini nga balaodnon nagtumong sa paghatag og kahupayan sa mga OFW nga nagtrabaho sa lain-laing bahin sa kalibutan.
Ang gisugyot nga balaodnon giila nga House Bill 6355 nga gisang-at ni Rep. Leila de Lima, Rep. Kaka Bag-ao, ug Rep. Cielo Krisel Lagman.
Pinaagi sa House Bill 6355, ilang gitinguha nga usbon ang Section 4(f) sa Universal Health Care Act aron mahimong boluntaryo ang pagbayad sa mga kontribusyon sa PhilHealth para sa mga OFW.
Gipunting sa mga magbabalaod nga ang mga OFW wala hingpit nga nakabenepisyo gikan sa mga programa sa PhilHealth samtang sila nagtrabaho sa gawas sa nasud.
Naglaum ang LP Tres Marias nga ang balaodnon dali nga maaprobahan sa Kamara.
