CHINA-Gikanselar ang pipila ka mga biyahe paingon sa mga siyudad sa habagatang China dungan sa pagkusog sa Bagyong Yagi isip Super Typhoon paingon sa holiday island province sa Hainan.
Naglihok ang bagyo subay sa kasadpang bahin sa South China Sea ug padulong sa Hainan. Ang super typhoon nagdala og kusog nga ulan ug hangin sa baybayon sa China.
Ang epicenter niini niadtong pasado alas 4 sa hapon kay 610 km habagatan-sidlakan sa siyudad sa Zhangjiang sa lalawigan sa Guangdong.
Kalabot niini, gi-upgrade na sa Hainan ang iyang emergency response sa pinakataas nga lebel alas 11:30 sa buntag karong Huwebes.
Gipaabot ang bagyo nga mo-landfall karun Biyernes sa hapon didto sa Hainan o sa silingang baybayon niini nga probinsya sa Guangdong.
Ang trabaho, eskwelahan ug bisan ang lokal nga serbisyo sa transportasyon gisuspinde sukad karong Huwebes sa hapon sa Haiko, kaulohan sa Hainan.
Sa Hong Kong, diin gipaabot nga molabay ang bagyo, ang siyudad mopagawas sa ikatulo nga labing taas nga pasidaan sa bagyo sa alas 6:20 sa gabii, busa limitado usab ang mga operasyon sa pampublikong transportasyon didto.
Sa laing bahin, ang Super Typhoon Yagi gilauman nga mao ang labing kusog nga bagyo nga miigo sa China sa hapit usa ka dekada.
