Nagdeklarar og walay klase ang pipila ka mga tunghaan sa Sugbo inig Pebrero 25 (adlaw nga Miyerkules) sa pagtimaan sa ika-40 anibersaryo sa EDSA People Power Revolution.
Mao kini ang gipahibalo sa pipila sa mga akademikong institusyon sa Sugbo diin maghatag og panahon sa ilang mga estudyante ug mga magtutudlo nga ilhon ang kamahinungdanon sa kasaysayan sa nahitabong upat ka dekada ang milabay.
Ang mga tunghaan nga magpatuman sa walay klase kay ang musunod:
- University of the Philippine – Cebu
- University of San Jose – Recoletos
- University of San Carlos
- Saint Louis College – Cebu
- Colegio de la Inmaculada Concepcion Inc. – Cebu
Kahinumduman nga una nang gipanawagan sa Archdiocese of Cebu pinaagi sa pagpangulo ni Archbishop Alberto “Abet” Uy nga magpahigayon og academic holiday sa adlaw sa anibersaryo sa EDSA People Power isip paggiya sa mga kabatan-onan sa kamahinungdanon sa maong adlaw diin usa sa mga rason niini kay moralidad nga natudlo sa mga bag-ong henerasyon.
Ang EDSA People Power Revolution Anniversary kay tinuig nga paghandum kaniadtong Pebrero 25, 1986 sa pag-alsa sa katawhang Pilipino batok sa diktadorya sa anhing Ferdinand Edralin Marcos Sr.
