Subling gipasabot sa Philippine National Police nga dili nila i-tolerate ang bisan kinsang pulis nga mapamatud-an nga nalambigit sa ilegal nga kalihokan sa Philippine Offshore Gaming Corporation o kon POGO.
Matud ni PNP spokesperson Col. Jean Fajardo, bisan unsa pa ang ranggo sa mga pulis nga maapil sa POGO dili nila kini ibaliwala.
Hinungdan nga nanawagan ang kapulisan sa mga indibidwal nga adunay impormasyon sa posibleng kalambigitan sa kapulisan sa ilegal nga kalihokan, nga makig-alayon kanila.
Una nang gikataho nga nipasidaan usab si PNP Chief Rommel Francisco Marbil kabahin niini.
Nunot kini sa wala gikatahong pagpamatay sa mga langyaw sa gidudahang POGO Hubs sa sentro sa Luzon.
Apan, gipasalig ni Marbil nga wala sila’y nakitang pulis nga protektor sa POGO.
