CEBU CITY — Mipadayag ang chairman sa Cebu City Police Advisory Council nga si Konsehal Joel Garganera nga aduna silay gihimong template alang sa ipatumang seguridad sa umaabot nga Sinulog Festival 2020.
Matud ni Garganera nga sa ilang habig, ilang gisiguro ang pagmentenar sa kahapsay ug kalinaw alang sa kasaulugan sa fiesta.
Dugang pa sa konsehal nga andam pirmi ang otoridad sa mga security measures gumikan kay anaa pirmi ang mga hulga sa seguridad.
Sa laing bahin, gitataw usab ni Garganera nga dili madali-dali ang proseso alang sa pag-relase sa budget alang sa mga pagpangandam sa kapyestahan ni Senyor Santo Niño.
Kini ang iyang reaksyon sa konsehal human mipadayag si Vice Mayor Michael Rama nga dili makadawat ang Sinulog Foundation Incorporated og pondo gikan sa Cebu City Government.
Nanghinaut kini og maayong kasabutan ug ipadaplin na lang ang mga personal issues aron mahimong grandyoso ug malampuson ang fiesta sa Balaang Bata. (GN)
