Mipaabot si Papa Leo XIV sa iyang pakighiusa ug panawagan sa mga pag-ampo alang sa mga tawo sa Venezuela, samtang nagkataas ang ihap sa mga namatay gikan sa duha ka linog kusog.
Gidapit sa Santo Papa ang tanan nga moapil kaniya sa pag-ampo alang sa mga biktima ug sa ilang mga pamilya, ingon man alang sa trabaho sa mga rescue crew.
Gitapos usab niini ang Extraordinary Consistory of Cardinals niadtong Sabado sa gabii, diin gipaambit ni Papa Leo ang kasuod sa tanang Kolehiyo sa mga Cardinal sa mga tawo sa Venezuela.
Ang ihap sa mga namatay misaka na sa dul-an 1,500 ka mga biktima, ug labing menos 70,000 ka mga tawo ang gikatahong missing pa.
Ingon man nga una na usab nga nagpadala si Pope Leo XIV og inisyal nga donasyon nga 100,000 euros aron matabangan ang mga biktima ug ang ilang mga pamilya.
Diin ang humanitarian aid gipadala pinaagi sa Apostolic Almoner’s Office ug gi-coordinate sa Apostolic Nuncio sa Venezuela, Archbishop Alberto Ortega Martín, ug sa Archbishop sa Caracas, Archbishop Raúl Biord Castillo.
Ang mga Katolikong komunidad ug mga charity sa tibuok nasud nagpalihok pinaagi sa pag-abli sa mga bilding sa parokya aron puy-an ang mga pamilya nga nawad-an og puy-anan ug pagtanyag og emergency assistance pinaagi sa lokal nga mga network sa Caritas.
