Mipadayag sa iyang pahasubo si Pope Leo XIV sa mga biktima sa linog sa Sugbo nga gipadangat niini sa Apostolic Nuncio diin ang magnitude 6.9 nga linog kay mikalas na sa dozenang mga kinabuhi.
Sumala pa sa post sa social media account ni Cebu Archbishop Alberto “Abet” Uy nga si Apostolic Nuncio to the Philippines, Archbishop Charles John Brown kay mitawag kaniya aron ipaambit nga pahsubo nga gipadangat sa Santo Papa para sa mga survivors sa linog ug ang iyang mga pag-ampo para sa mga biktima.
Gani niadtong Miyerkules, Oktubre1 kay mimando na og structural assessment sa tanang mga simbahan og rectories sa mga apektadong lugar si Archbishop Uy ug personal pa gani ning misusi sa pipila ka mga dapit sa amihanang Sugbo.
Mihatag pud kini og mando sa mga parokya sa hilabihang apektadong dapit nga likayan usa ang paggamit sa mga edipisyo sa simbahan sa dili pa matapos ang safety assessments niini.
