Mipahayag si Pope Leo XIV nga gituyo niya nga sundon ang dalan sa iyang gisundan isip pontiff, nga nagdayeg sa “kompleto nga dedikasyon sa serbisyo” ni anhing Pope Francis ug gipatin-aw ang iyang pagpili sa ngalan nagpakita sa usa ka pasalig sa kausaban sa katilingban, sumala sa Vatican.
Ang lider sa 1.4-bilyones nga mga Katoliko sa tibuok kalibutan nga gikan sa Estados Unidos ang napiling bag-ong santo papa nga mipili sa pangalang Leo XIV isip usa ka pagpasidungog kang Leo XIII nga usa ka 19th-century pontiff nga nanalipod sa mga katungod sa mga mamumuo.
Namulong sa usa ka miting sa mga kardinal duha ka adlaw human mapili nga ika-267 nga santo papa nga si Robert Francis Prevost diin matod pa nga ang usa ka santo papa mao ang “usa ka mapaubsanon nga alagad sa Dios ug sa iyang mga igsoon, ug wala nay labaw pa niini”.
Naghulagway sa iyang kaugalingon isip “dili takus nga sumusunod” ni San Pedro (Saint Peter) sa usa sa iyang unang mga pakigpulong isip santo papa diin gidayeg ni Leo ang dedikasyon ni anhing Francis sa iyang yanong pagpamuyo.
