Hangupon sa International Criminal Court (ICC) kung makahukom ang Pilipinas nga mobalik sa international tribunal.
Ang tigpamaba sa ICC nga si Dr. Fadi El Abdallah nga ang tanang nasod nga gustong mahimong kabahin sa ICC dawaton sa korte tungod kay magpasabot kini nga mas daghang nasod ang gustong mopasakop sa gahom ug katungdanan sa maong korte.
Gipakita sa opisyal sa ICC ang isyu sa impunity o dili pagsilot sa mga dagkong personalidad nga nakahimog ngilngig nga krimen sa tibuok kalibotan.
Matod niya, ang impunity usa ka global nga hagit ug daghan ang naglihok nga babag sa pakigbatok niini.
Dugang pa nga ang bugtong paagi sa pagpakigbatok niini mao ang kooperasyon sa tanang nasod sa tibuok kalibotan, sama sa Pilipinas.
Gipangutana usab ang opisyal sa ICC kung nakadawat ba ang nasangpit nga korte og bisan unsang impormasyon o bisan unsang timailhan gikan sa gobyerno sa Pilipinas.
Gitubag ni Dr. Abdullah, wala siyay access sa ‘behind-the-scene discussions’ busa dili pa niya makumpirma.
Niadtong Nobyembre sa miaging tuig, unang niingon si Presidente Ferdinand Marcos Jr. nga gisusi pag-usab sa gobyerno ang posibleng pagbalik sa ICC.
Diin ang House of Representatives nisang-at og resolusyon nga nagdasig kang Marcos nga makig-alayon sa ICC, bisan pa sa kanhing pag-atras sa Pilipinas sa tunga-tunga sa termino ni kanhi Presidente Rodrigo Duterte.
