Bisan pa sa padayon nga pag-ulan nga gipahinabo sa habagat-kasadpang monsoon ug Bagyong Maymay, ang mga boluntaryo sa Philippine Red Cross (PRC) naghiusa aron sa pag-repack sa mga suplay alang sa mga pamilyang naapektuhan sa pagbaha sa Luzon.
Gidayeg ni PRC Chairman ug CEO Richard J. Gordon ang mga sakripisyo sa mga boluntaryo gikan sa lainlaing mga komunidad ug unibersidad nga mipili sa pagtabang imbes nga magpabilin sa ilang mga balay o eskwelahan.
Gikatakda usan nga mag-apod-apod ang PRC sa inisyal nga 2,800 ka mga kahon sa relief—nga adunay sulod nga bugas, de-lata, noodles, ug kape—sa mga apektadong komunidad.
Sumala ni PRC Secretary General Dr. Gwendolyn Pang, ang mga relief packs gihatag para sa mga pamilya nga mobiya sa mga evacuation center ug mobalik sa ilang mga balay aron magamit nila kini aron matagbaw ang ilang kagutom samtang ilang gilimpyohan ug gi-sanitize ang ilang mga balay. Samtang, ang pag-apod-apod sa ‘init nga pagkaon’ nagpadayon sa mga naa pa sa mga evacuation center.
Ang mga personahe sa PRC mibisita usab sa mga balay aron masusi ang kahimtang sa mga residente ug mahibal-an ang ilang uban pang mga panginahanglan.
Sa pagkakaron, ang PRC nakahatag na og init nga pagkaon sa kapin sa 11,000 ka mga indibidwal, nakaapod-apod na og kapin sa 14,000 ka botelya sa tubig ug liboan ka mga hygiene kits, dugang pa sa pagpahigayon og mga rescue operations ug pagtukod og mga first aid stations sa 53 ka mga lokasyon.
