Nipasalig sa mga katawhan si Presidente Ferdinand “Bongbong” Marcos Jr. atol sa iyang pagbisita sa Sugbo aron na sa pagsuta sa mga biktima sa pagkuso-kuso sa bagyong Tino niadtong Martes, Nobyembre 4,ug ingun man susihon ang ilahang sitwasyon, ug paghatag sa hinanaling tabang sama sa pag-apod-apod sa pagkaon, tambal, ug uban pang tabang ngadto sa mga naapektuhan sa bagyo.
Lakip sa gibisita sa Presidente mao ang Liloan, particular na sa Tiltilon Elementary School sa Barangay Cotcot, diin 126 ka pamilya ang temporaryong midangop sa pag-apod-apod sa mga family food packs (FFPs), hot meals, ingon man mga health, hygiene, ug sleeping kits gikan sa Department of Social Welfare and Development (DSWD).
Subay niini, gipasalig ni DSWD Sec. Rex Gatchalian nga adunay igo nga suplay sa relief aid para sa mga apektadong pamilya, uban ang padayon nga pag-repack sa mga FFP.
Sumala ni Gatchalian, adunay kinatibuk-an nga 69,000 ka FFPs ang naapod-apod sa mga local government units (LGUs), lakip ang mga siyudad nga labing naapektuhan sama sa Cebu City, Mandaue City, ug Talisay City. Gibana-bana nga 200,000 ka FFPs ang gilauman nga maapod-apod sa Sabado.
Samtang, gilakbitan usab sa paglili sa Presidente ang mga bakwit sa Talisay Sports Academy Center aron sa pagsusi sa kahimtang sa mga evacuees sa Dakbayan sa Talisay.
Gikan siya sa San Isidro Bridge sa South Coastal Road aron sa pagpakisusi sa nabanlas nga mga panimalay ug mga naguba nga flood control project sa Mananga River inubanan nilang Health Secretary Ted Hebrosa, sa mga opisyal sa Dakbayan sa Talisay gipangulohan nilang Talisay City Mayor Samsam Gullas og ni Congresswoman Rhea Gullas, ug sa mga opisyal sa Probinsiya sa Sugbo.
Human niini, nidiretso usab siya sa Cebu Provincial Capitol aron sa pakighinabi nilang Cebu Provincial Governor Pamela Baricuatro ug ubang opisyal sa Probinsiya sa Sugbo ug mohatag og pamahayag ang kabahin sa ilang kinatibuk-ang assessment sa kadaut sa Bagyong Tino diri sa Probinsiya sa Sugbo.
Diin, sa pakigstorya kang PBBM, iyahang gikabutayag nga ang baha mao ang primary nga rason sa nagpaluyong dakong kadaot sa Sugbo, sa kinabuhi man sa tao o kinaiyahan, ug dili tungod sa kusog nga hapak sa hangin.
Gitataw pa gani niya nga taliwala sa ilahang mga proteksyon nga gipahamtang, wala gayud kini nadala ug nakaya tungod sa kabug-at ug gidaghanon sa gibul-og nga tubig.
Nunot sa maong panghitabo, gidugang sa president nga nakig-alayon na kini ilabi na sa Department of Social Welfare and Development (DSWD) kinsa mao ang gitahasan sa pagpang apod-apod og mga relief goods alang sa mga biktima.
Apan, gawas sa mga FFPS, matod sa presidente lakip sa ipang hatag sa DSWD mao angg P5,000 nga cash assistance sa mga pamilya nga adunay partially damaged nga mga balay ug P10,000 sa mga adunay totally damaged nga mga balay, depende sa resulta sa assessment sa ahensya.
Ang maong cash assistance nga idunol sa president, nagtumong nga makatabang sa mga biktima aron makatukod pagbalik og puy-anan ug hingpit makabangun sa nahiagumang trahedya.
Lakip usab ang Department of Health (DOH) nagpahigayon usab og paspas nga mga pagtimbang-timbang sa panglawas ug pag-apod-apod sa mga importanteng tambal aron masiguro ang kaluwasan ug kaayohan sa mga bakwit.
Dugang niini, gimandoan usab sa Presidente ang Department of Human Settlements and Urban Development (DHSUD) nga tun-an ang tabang sa pabalay para sa mga pamilyang nawad-an og pinuy-anan, nga namatikdan nga kadtong naa sa no-build zones kinahanglan nga ibalhin sa mas luwas nga mga lugar.
