Dul-an sa 4 sa 10 ka Pilipino ang nagsuporta kang Presidente Ferdinand R. Marcos Jr., ug sa iyang administrasyon, sumala sa pinakaulahing survey sa OCTA Research nga gipagawas gahapong adlawa.
Ang ikaduhang Quarter sa Masa Survey nga gihimo gikan sa Hunyo 26 hangtod Hulyo 1 nagpakita nga ang porsyento sa mga hamtong nga Pilipino nga nagpaila sa ilang kaugalingon nga pro-Marcos misaka sa 36 porsyento gikan sa 31 porsyento sa miaging quarter.
Diin 5 porsiyento niini sa hamtong nga mga Pilipino ang nagsuporta sa oposisyon.
Samtang, ang suporta sa pamilyang Duterte ug ilang mga kaalyado sa politika adunay 4-point drop gikan sa 20 porsyento sa Marso 2024 nga survey ngadto sa 16 porsyento sa Hunyo 2024 nga survey.
Niini anaa sa 31 porsyento sa mga respondents ang gikonsiderar nga mga independente nga wala magpaila sa ilang kaugalingon nga pro-Marcos, pro-Duterte, o oposisyon.
Ang nahabilin nga 11 porsyento sa mga respondents nagduhaduha bahin sa ilang mga gusto sa politika.
Hinungdan nga ang Marcos ug ang iyang administrasyon nakadawat sa labing taas nga suporta gikan sa mga Pilipino nga nagpuyo sa Metro Manila sa 43 porsyento, gisundan sa Balance Luzon sa 42 porsyento, Visayas sa 32 porsyento, ug Mindanao sa 25 porsyento.
