NEGROS ORIENTAL-Gideklarar na sa kagamhanang lalawigan sa Negros Oriental sa island rehiyon sa Negros Island Region ang State of Calamity tungod sa padayon pag-alburuto sa Bulkang Kanlaon sukad pa niadtong Disyembre 9, 2024.
Ang maong deklarasyon nunot sa nahitabong special session sa Negros Oriental Provincial Board niadtong Disyembre 27 nga giaprobahan ni Negros Oriental Governor Manuel Sagarbarria niadtong Enero 8 nga naglatid sa hinadaling emergency response measure nga angay ipahamtang tungod sa sunod-sunod nang volcanic unrest sa Kanlaon nga nakahulga sa mga komunidad palibot niini.
Kahinumduman nga ang pagbuto nakamugna og dakong magmatic explosion, nga miresulta sa plume nga misaka sa gibana-bana nga 3,000 metros ibabaw sa summit ug napalid sa kasadpan-habagatang direksyon.
Ang kaylap nga pag-ulan sa abo gikataho sa mga dapit sa kasadpan sa bulkan, uban sa pagmugna sa pyroclastic density current nga peligroso nga mga panagsagol sa hot volcanic gas, ash, ug fragmented rock nga mikunsad sa habagatan ug habagatan-sidlakang mga bakilid sa bulkan.
Agig tubag sa pagbuto, gipataas sa Philippine Institute of Volcanology and Seismology (PHIVOLCS) ang alert level sa Bulkang Kanlaon ngadto sa Alert Level 3.
Kini nga aksyon nagpalapad sa Permanent Danger Zone (PDZ) ngadto sa unom ka kilometro nga radius, nga nagkinahanglan sa mandatory evacuation sa mga residente nga nagpuyo sulod sa giila nga danger zones.
Padayong awhag sa mga awtoridad sa mga lumulupyo doul sa bulkan nga magpabilin sundom ang mga giladtid nga protocols ug evacuation orders para sa kaluwasan sa tanan.
