Gipahibalo sa House Prosecution panel nga pormal nilang i-drop o tangtangon ang Articles I ug IV sa impeachment complaint batok kang Bise Presidente Sara Duterte nga naglangkob sa mga alegasyon bahin sa confidential funds ug seryosong mga hulga aron hingpit nga makatutok ang ilang kaso sa Article II, nga naghisgot sa giingong dili masaysay nga bahandi sa Bise Presidente.
Tungod niini nga lakang sa prosekusyon, ang panel magpabilin na lamang sa ikaduhang article alang sa ilang pormal nga pagpresentar sa mga ebidensya atubangan sa impeachment court.
Matod ni Lead Prosecutor ug Representative Gerville Luistro nga nagpakita siya atubangan sa tribunal aron ipasabot ang estratehikong kausaban sa pagpresentar sa ilang mga ebidensya.
Diin pinaagi sa pagtangtang sa mga kaso nga may kalabotan sa sayop nga paggamit sa confidential funds ug giingong seryosong mga hulga, gitutokan sa prosekusyon ang kinatibuk-ang gibug-aton sa kaso ngadto sa mga nakolektang rekord sa panalapi ug forensic analysis bahin sa dili masaysay nga bahandi ug mga kabtangan sa pamilyang Duterte.
Samtang, gipasalig sa abogado sa depensa nga si Atty. Sheila Sison nga ang desisyon sa prosekusyon dili makaapekto sa estratehiya nga giandam na sa kampo sa Bise Presidente.
Matod ni Sison, dili usbon sa grupo sa depensa ang ilang giplano nga lakang ug magpadayon sila sa pagpresentar sa ilang mga ebidensya aron pasublion o kontrahon ang nahabilin nga akusasyon batok sa Bise Presidente.
