METRO MANILA-Wala gihapon matarug ang gobyerno sa Pilipinas sa ilang paningkamot nga makunhuran ang gidaghanon sa mga kabus nga Pilipino.
Base sa pinakaulahing datus gikan sa Philippine Statistics Authority, ang poverty incidence sa mga pamilyang Pilipino nius-os og gamay sa miaging tuig ngadto sa 10.9%.
Kini nga datos mas ubos kon itandi sa natala niadtong 2021 nga niabot sa 13.2% nga poverty incidence.
Ang maong datos anaa sa 109 sa matag 1,000 ka pamilya nga maingon nga nahisakop sa kategoryang mga kabus.
Nagkanayon usab ang PSA, nga adunay pagkunhod sa kakabos nga niabot sa 15.5% gikan sa miaging 18.1% sa 2021.
Sa usa ka pahayag, si PSA Chief ug National Statistician Dennis Mapa miingon, kini nga porsyento anaa sa 17.54 milyon nga mga kabus nga Pilipino sa 2023.
Mas ubos kini og 2.36 kung itandi sa datos nga natala sa ahensya sa samang panahon sa 2021.
Ang Metro Manila nag-una gihapon sa pinakaubos nga poverty incidence nga anaa sa 1.8% samtang ang BARMM adunay pinakataas nga poverty incidence nga 32.4%.
