CEBU CITY – Nanawagan si Cebu Provincial Election Supervisor nga si Atty. Jerome Brillantes sa mga persons with disabilities (PWDs) ug mga senior citizen nga mahimo silang magpatabang sa mga sakop sa Commission on Elections (Comelec) aron makabotar sa ground floor.
Kini aron dili na kinahanglan nga magsaka sa taas nga andana sa tunghaan isip voting precinct.
Matud ni Atty. Brillantes nga magbutang sila og mga pahibalo ngadto sa entrada ug sa mga ground floor sa tunghaan aron matabangan ang mga adunay kakulian sa lawas para dili na sila makasaka sa mas taas nga andana aron makabotar.
Dugang pa ni Brillantes nga sa gihapon adunay special lane alang sa mga PWD, senior citizen, ug mga inahan nga nagsabak aron mahatagan sila og prayoridad ug dili na makalinya sa mga regular nga botante.
