Nanawagan si Apollo Quiboloy alang sa manual recount sa senatorial votes taliwala sa mga taho sa mga iregularidad sa eleksyon.
Giluwat ang maong pamahayag sa iyang kampo gabii, pinaagi sa iyang opisyal nga tigpamaba nga si Atty. Israelito Torreon./
Gawas sa manual recount kay mipadayag kini og pasalamat sa mga Filipino nga mibotar kang Quiboloy, kinsa kabahin sa “DuterTEN” o sa 10 ka senatorial candidates nga gisuportahan ni kanhi Presidente Rodrigo Duterte.
Apan, bisan paman sa mga nakuhang mibotar kaniya kay pakyas kini nga makasulod sa magic 12 ug anaa kini sa ika-3 nga adunay kapin 5 milyon ka boto.
Una nang giawhag ni Torreon ang Comelec nga ipatuman ang manual vote counting sa precinct level alang sa eleksyon, nga nag-ingon nga mahimo’g makompromiso ang integridad sa eleksyon ug cybersecurity.
Apan, si Comelec Chairman George Erwin Garcia niingon nga ang poll body dili makatuman sa panawagan tungod kay wala kini gimando sa Republic Act No. 9369 o Automated Election Law, nga nag-ingon nga kinahanglang automated ang pagbotar sa precinct level sa municipal, provincial, ug national canvassing.
