Gipahibalo ni Japan Ambassador Endo Kazuya nga sa dili madugay nga panahon kay maaprobahan na ang gisugyot nga Reciprocal Access Agreement human sa panaghisgot tali sa Pilipinas ug Japan.
Gihimo ang pamahayag sa Japanese envoy atol sa ika-70 nga anibersaryo sa Japan Self Defense Forces (JSDF).
Matod niya, kung mahuman na ang negosasyon kalabot sa kasabotan sa depensa, aduna na’y mutual visit tali sa mga sundalo sa duha ka nasud aron mapalambo ang kooperasyon sa seguridad ug depensa diin magtugot usab kini sa dugang nga kooperasyon sa ekonomiya tali sa duha ka mga nasud.
Una niini, ang delegasyon sa mga magbabalaod nipadayag og paglaom nga mahuman ang RAA sa ikaduhang PH-Japan Foreign and Defense Ministerial Meeting o gitawag nga 2+2 meeting karong Lunes, Hulyo 8.
Diin ang Japanese Minister for Foreign Affairs nga si Kamikawa Yoko ug Minister of Defense Kihara Minoru mao’y mangulo sa delegasyon sa Japan ug makigtagbo sila kang Foreign Affairs Secretary Enrique Manalo ug National Defense Secretary Gilberto Teodoro.
Sa habig sa Armed Forces of the Philippines, ang hepe sa AFP nga si Gen. Romeo Brawner Jr. nga ilang gidawat ang mas hugot nga kooperasyon tali sa Japan ug PH niining kritikal nga panahon.
