Nagpahibalo ang Regional Alternative Child Care Office (RACCO) ug National Authority for Child Care (NACC) nga mamahimo na sila ang mo-proseso sa legal adoption sa rehiyon-7 ug sa tibuok nasud.
Nahisubay kini sa RA No.11642 nga mas ilado sa Domestic Administrative Adoption and Alternative Child Care Act, nga naglatid sa saktong proseso sa legal nga pag-adopt sa usa ka bata.
Kini aron malikayan ang mga peke nga kalihokan, sama sa pagpamaligya sa mga bata online, diin mao kini ang nanguna nga tumong sa maong buhatan aron dili molapad ang ingun ani nga mga kaso.
Mao kini ang nahimong pamahayag ni Atty. Jewel Jade Famor – Alberca, ang Legal Officer II sa National Authority For Child Care ug Regional Alternative For Child Care nga mas paspas ang proseso sa adoption kung nahisubay sa administrative process, ug dili mahimo nga mag-adopt adopt lang nga wala ga-agi sa maong proseso.
Kung kahindoman sa rehiyon-7, adunay usa nga na-report nga “online baby selling,” apan, dali lang kini nga nasikop inabagan sa tabang sa kasilinganan sa maong akusado. | Bombo Irene Ardiente
