Gipaabot karon sa Pilipinas nga mas mokusog pa ang kooperasyon sa depensa sa nasod uban sa nagkalain-laing nasod gikan sa North America, Europe, ug Asia-Pacific regions.
Kini sa wala pa ang gikatakdang tigom ni Department of National Defense Secretary Gilberto Teodoro Jr. sa iyang mga katugbang sa sidelines sa 21st International Institute for Strategic Studies Shangri-La Dialogue sa Singapore.
Matud ni Defense Spokesperson Arsenio Andolong, karong adlawa adunay ministerial-level meeting si Sec. Teodoro ngadto sa Minister of National Defense sa Lithuania, Laurynas Kasčiūnas.
Dugang pa, ang kalihim gitakda usab nga makigtagbo sa Minister of Defense sa Canada nga si Bill Blair; Ministro sa Depensa sa New Zealand nga si Judith Anne Collings; Minister of National Defense sa South Korea Shin Won-Sik, ug High Representative sa European Union for Foreign Affairs and Security Policy ug Bise Presidente sa Commission for a Stronger Europe Josep Borrell Fontelles.
Sa maong mga meeting, si Teodoro gilauman nga mosusi sa mga oportunidad alang sa bilateral ug multilateral nga kolaborasyon sa iyang mga katugbang.
Samtang gipaabot usab nga hisgotan nila ang mga update kalabot sa mga polisiya sa depensa sa ilang tagsa-tagsa ka nasod, ug bisan sa regional security tests, ug kooperasyon sa West Philippine Sea.
Samtang, human niini, ang kalihim mohimo og courtesy call ngadto sa Minister for Defense sa Singapore, Dr. Ni Eng.
