Gi-refund-nan ni Department of the Interior and Local Government (DILG) Secretary Jonvic Remulla ang kantidad nga P28,011 nga gigasto ni Reina Mercedes, Isabela Vice Mayor Atty. Harold Respicio human kini nipaubos sa drug testing.
Naggikan ang isyu sa gawi ni Respicio atol sa usa ka forum sa ilang probinsya, nga mikatag ug nahimong viral sa social media. Tungod niini, gihagit ni Remulla ang bise mayor nga magpa-drug test.
Daling nagpa-drug test si Respicio niadtong Oktubre 7, 2026. , ug base sa mga resulta nga iyang gipagawas sa publiko, nagpakita kini nga negatibo siya sa paggamit og ilegal nga droga, ug gani, gisapublikar niya nga mikabat sa P28,011 ang iyang gasto sa maong test.
Human migawas ang mga resulta, gipadayag ni Respicio ang iyang tinguha nga balikan siya ni Remulla sa maong gasto, ug daling mitubag si Remulla niini, dayun gipadala ang tibuok kantidad gahapon, Huwebes, Oktubre 8.
Nag-post si Remulla og screenshot sa bayad nga P28,011 sa comments section sa post ni Respicio isip pruweba sa reimbursement. Naglakip usab siya og mubo nga mensahe: “Eto na, Happy?”
