Dili dunggon sa International Criminal Court ang gisugyot nga resolusyon sa Senado nga ibutang sa house arrest si Kanhi Presidente Rodrigo Duterte tungod sa iyang edad ug nagkagrabe nga panglawas.
Mao kini ang gipaambit Atty. Neri Colmenares, Human Rights Lawyer ug usa ka Aktibista nga dili ilhon sa ICC ang maong sugyot, apan dunay posibilidad nga ma-intriga ang ICC gumikan sa pag-intervene sa mga magbabalaod sa Pilipinas.
Nihatag usab kini og laing posibleng reaksyon sa ICC kalabot sa resolusyon diin kanunay nga atakehon sama nalang sa walay hurisdiksyon ug gi-kidnap ang kanhi apan karon kay daw nalimbuwad ang sitwasyon gumikan nagpakita kini nga giila ang gahum sa International Court.
Busa, gikanayon niini nga wala’y impact ang maong sugyot ngadto sa ICC. Ingon man nga adunay mga kaugalingong palisiya ang international court ug dili kini makatandog sa mga gisang-at ug naaprobahan nga mga resolusyon, ug dili lang kini sa Pilipinas tungod kay bisan asa nga nasud mao gayud kini ang ilang baruganan.
Gihatagan usab og gibug-aton ni Atty. Colmenares nga usa lang ka propaganda ang maong lakang nga gibuhat sa mga magbabalaod diin nagpakita og kaluoy sa kanhi Presidente ug gitan-aw kung kinsa ang mopirma sa maong resolusyon.//
Hinuon, wala niini gisalikway ang posibilidad nga makagawas gihapon apan masaligon ang magbabalaod nga sa higayon nga makagawas ang kanhi kay dili na kini mobalik kon gani ipatawag dayon kini sa ICC.
Dugang niini nga duha ka desisyon ang kinahanglan nga ikonsiderar sa ICC kon gani ilang buhian si Kanhi Duterte, diin una niini mao ang tugutan ba ang kanhi sa interim release pinaagi sa house arrest ug ang ikaduha kay dili na kini ibalik sa Pilipinas gumikan diri nahitabo ang crime scene sa dugoong war on drugs.
