CEBU CITY-Nailhan na ang ‘riding in tandem’ sa Punta Princesa highway kinsang nangawat og mga mahalong butang gikan sa ilahang mga biktima gawas sa Enriquez Compound sa Barangay Punta Princesa, dakbayan sa Sugbo.
Nasayran, nga ang drayber sa motorsiklo giila nga si Jezer Setosta Banzon, 43-anyos, ug lumad nga taga Barangay Quiot, dakbayan sa Sugbo, ug ang ‘backrider’ niini nga babaye nga giila sa iyahang alyas nga si ‘Ericka’.
Kahinumduman, nga nasigpatan sa CCTV footage ang gitumbok nga nitulis kang Ryan Labrado kaniadtong Domingo Hulyo 30, 2023.
Human nga nikatag sa social media ang pag-awhag ni Labrado ug ang kapitan sa Barangay Punta Princesa nga si Jhun Andales nga nanawagan sa publiko arun sa pag-ila sa duha ka suspek.
Hinungdan, nga ubay-ubay ka mga indibidwal ang niadto sa Labangon Police Station aron sa paghatag og mga impormasyon.
Dugang pa sa hepe sa Labangon Police Station 10 nga si Police Major Angelito Valleser, nga ang ‘informant’ mao ang usa ka ‘motorcycle dealer’ nga maong gipalitan sa mga suspek.
